Caribische wetgevingstechniek, un manual nobo pa hurista legislativo di Aruba, Corsou y Sint Maarten
E manual "Caribische wetgevingstechniek" ta ofrece e huristanan legislativo di Aruba, Corsou y Sint Maarten un idea di tur loke elaboracion di regulacion legal ta implica. Esaki ta inclui competencia legislativo y mantencion. Ta haci referencia na e instruccionnan relevante pa reglamentacion di Aruba, Corsou y Sint Maarten, cu ehempel ilustrativo, adicion y, ora ta necesario, comentario critico y alternativa. Tijdelijke Werkorganisatie di Ministerio di Interior y Relacion di Reino a haci un contribucion financiero pa realisacion di e buki "Caribische wetgevingstechniek" di profesor mr. Sjoerd Zijlstra.
Caribbean Center for Legislation
E buki Caribbean Legislative Engineering ta un spin-off di e opleiding di Certified Legislative Lawyer di Caribbean Center for Legislation (CCL). Na november 2021, BZK a otorga un subsidio di € 81,550 na Universidad di Corsou pa Caribbean Center for Legislation pa financia e opleiding Certified Legislative Lawyer (den contexto Caribeño) y continuacion di opleiding Gediplomeerd Wetgevingsjurist pa huristanan legislativo na Aruba, Corsou y Sint Maarten, paisnan ACS. Desde 2021, Universidad di Corsou, hunto cu Vrije Universiteit Amsterdam (VU), a ofrece capacitacion adicional pa huristanan legislativo na Aruba, Corsou y Sint Maarten pa bira Certified Legislative Lawyers. E proyecto ta consisti di un opleiding (online) cu ta wordo ofrece na e gobiernonan di e tres paisnan. A haci uzo di ehempel di participante di e tres paisnan pa keda cerca di e practica di implementacion. Te na e momento aki, trintidos hurista a participa na e opleiding.
Tocante e autor
Sjoerd Zijlstra ta hoogleraar Wetgevingsleer na University of Curaçao Dr. Moises Da Costa Gomes y hoogleraar Staats- en Bestuursrecht na Vrije Universiteit Amsterdam. E ta president di CCL y tin un amplio experiencia cu practica legislativo di tur e paisnan den Reino.