Training di Maneho di proyecto pa lidernan di programa- i proyecto di Pakete di Pais na Aruba y Corsou
The Hague Academy for Local Governance a duna un training na Aruba y Corsou na funcionario di gobierno y lidernan di programa- y di proyecto. Ta trata un trayecto di estudio di 9 luna caminda participantenan ta haya coaching, e dos paisnan ta haya seccionnan di grupo hunto y ta papia cu expertonan den region. Ministerio di Asuntonan Interno y Relacionnan den Reino (BZK) pa medio di Organisacion di Trabou Temporal (TWO) a ofrece e training aki y paisnan Aruba y Corsou a bai di acuerdo cu e oferta. Cu e trayecto aki ta traha riba ‘capacity building’ den e aparatonan gubernamental.
E trainginnan di tres dia tabata interactivo, intensivo y tabata dirigi riba e contexto local. Durante di e trainingnan a para keto na entre otro e rolnan den Maneho di proyecto, e teoria, Maneho di stakeholder, structura di un plan di proyecto y compronde e dinamismo den un team. E participantenan por a papia habri tocante experencia, ‘best practice’ y retonan riba e tereno di Maneho di proyecto.
E team di training tabata consisti di Suzanne Jansen (experto na cabes), Edward Erasmus (experto y coach Aruba), Vanessa Gomes (coach) y Pablo Aguirre (facilidador y manager di e programa di training). E constelacion aki ta un bunita combinacion di conocemento tecnico, experencia for di tanto Hulanda como e contexto local y practica.
-
Trainernan Pablo Aguirre, Suzanne Jansen y Vanessa Gomes den training na Corsou
-
-
-
