Congreso Legislativo di Reino 2024: Fortfica e relacionnan entre e funcionarionan legislativo di Aruba, Corsou, Sint Maarten y Hulanda
Riba diabierna 22 di mart, e prome Congreso Legislativo di Reino Colaboracion for di nos mes forsa a conclui. Durante e dianan aki mas cu 50 participante for di Aruba, Corsou, Sint Maarten y Hulanda a keda inspira dor di lectura y workshopnan interactivo. Entre otro, tabatin workshop di trabou riba traha nota di inicio, tratadonan di derechonan humano, colaboracion riba leynan di estado y AI den practica hudicial. E workshopnan a keda duna dor di huristanan cu ta traha como empleado publico (di gobierno central), profesor, abogado, hues of empresario. Tur dia tabatin un inspiracion dor di e oradornan Maria van der Sluijs - Plantz, Sjoerd Zijlstra, Arjen van Rijn y Raúl Maduro. Tambe e congreso tabata un bon momento pa e diferente funcionarionan legislativo sa di otro kico nan ta traha riba dje y pa traha riba un netwerk.
Pakete di pais
E congreso tabata un iniciativa di Organisacion di Trabou Temporal (TWO) den e cuadro di e iniciativanan den e paketenan di pais di Aruba, Cursou y Sint Maarten. Pa medio di e paketenan pa pais, tur tres pais tin e reto di mester adapta diferente leynan (anticua), pero no tin suficiente personal pa haci esaki.
Deseo pa traha huntu
E deseo pa traha huntu tabata liña cora den e congreso, tanto dor di e participantenan, como e oradonan y mandatarionan. Na final di e congreso Secretario di Estado di Relacionnan den Reino Alexandra van Huffelen y Minister di Asontonan General di Corsou Gilmar Pisas a join. Cu contribucion di e participantenan, e hefenan di e Departamentonan Legislativo y Casonan Huridico Meerjam Deekman (Sint Maarten), George Croes (Aruba) y Jennifer Pawirodihardjo-Fer (Corsou) a presenta cua ta e posibilidad y posibilidadnan di sosten cu tin pa hunto fortifica e funcion legislativo y ehecuta e reformanan.
Secretario di estado Van Huffelen: “E congreso aki ta mustra con sumamente importante boso rol como hurista legislativo ta den e paleta amplio di reformanan riba caminda pa un economia resiliente. Colaboracion y coordinacion, einan e ta cuminsa. Y esaki ta posibel solamente dor di trece hende manera boso hunto cu ta conecta cu otro, comparti experencia y sostene otro. Pa motibo cu maske boso ta traha den diferente tereno, boso tur ta forma parti di e cadena hudicial cu ta contribui na e siguridad legal na Aruba, Corsou y Sint Maarten.”
Minister Pisas: “E dianan aki a mustra cu tin un necesidad pa comparti conosemento y pa conecta cu otro, pa motibo cu den hopi caso nos ta confronta retonan similar. Tin problemanan social grandi cu mester soluciona. Den e sala aki tin hopi conosemento y experencia. Kisas e tecnologia por yuda nos pa tambe traha mas eficiente. Nos no mester pensa solamente riba problema, sino tambe riba solucion y opcionnan creativo pa por trece mehoracion. Manera mehoracion di calidad di ley. Na final di dia, ta importante pa nos haci nos trabou pa bienestar di nos comunidad.”
Cu e tipo di eventonan aki TWO kier fortifica e lasonan entre e paisnan den reino y stimula colaboracion. Banda di esei ta duna sosten (financiero) caminda ta necesario pa ehecuta e trayectonan.
