Di tres Counterpartdagen TWO
“Comparti conosemento ta punta di lansa di Counterpartdagen”
Organisacion di Trabou Temporal (Tijdelijke Werkorganisatie) pa di tres biaha a organisa Counterpartdagen. Cu Counterpartdagen TWO kier stimula intercambio di conosemento entre e Paisnan. E biaha aki e encuentro di tres dia a tuma luga na Curaçao.
Durante e dianan interactivo partnernan di colaboracion for di Aruba, Corsou y Sint Maarten a para keto na e experencia un aña despues di a firma e acuerdo mutuo Colaboracion ora di reforma, e desaroyo di Agenda di ehecucion y e medionan pa monitor y evalua proyectonan na un manera eficiente. Tambe a tuma tempo na comparti conosemento cu un training tocante maneho di cambio, reforsa funcion di legislacion di e tres paisnan y un charla di Banko Mundial tocante experencia obtene den entre otro Sint Maarten riba tereno di reconstruccion y fortificacion di resilencia.
Indra Zaandam di Organisacion di Trabou Temporal Aruba
“Tin un rikesa na variedad y diversidad den Reino. Esei ta nos forsa como paisnan. Tabata hopi bentahoso pa hiba e combersacion cu otro y haña bista kico e diferencia- y similaridadnan ta entre e paisnan. Danki na Counterpartdagen a sali na cla un biaha mas cu si conhunto nos haci uso di oportunidad a base di propiedad, esaki lo conduci na un Reino mas resistente. Organisacion Temporal di Aruba ta mira bek riba un encuentro exitoso.”
John de Lannoy di Comision Nacional di Reforma di Corsou
“E paisnan individual ta traha duro na implementacion di diferente reforma den e temanan di e Pakete di Pais. Den curso di aña tabatin diferente exito y a haya hopi experencia. Pero na mes momento e paisnan a conose varios reto, loke ta conecta na reforma. Durante Counterpartdagen ta resulta cada bes cu nos por siña di otro su exito- y retonan. Comparti conosemento ta un punta di lansa den e dianan aki. Durante di e Counterpartdagen anterior a duna di conose cu a base di experencianan comparti e necesidad pa mehora e medio- y reportahenan. Despues di esaki e organisacionnan di ehecucion di e cuater paisnan hunto a desaroya formato y medionan nobo pa e agenda di ehecucion y e reportahe di ehecucion. Ta introduci e formatonan nobo aki entrante e siguiente cyclus di ehecucion. E renobacion aki tabata un topico importante durante Counterpartdagen. Comicion Nacional di Reforma di gobierno di Corsou ta satisfecho cu e encuentro.”
Eunelda Cairo na nomber di Pais Sint Maarten
“E colaboracion entre TWO y gobierno di Sint Maarten a conose exito- y retonan. Por conta e afiliacion di Pakete di Pais na e National Development Vision di Sint Maarten como un di e exitonan. Counterpartdagen ta crea e posibilidad pa intercambia di pensamento y tambe hiba discucionnan sensibel. Ademas e dianan aki no ta fortifica solamente e colaboracion, pero tambe e ta demostra cu e paisnan den Reino por traha hunto y den coherencia cu desaroyo general di e Paisnan. Sint Maarten ta mira e dianan aki como un exito y nos ta anhela e siguiente Counterpartdagen.”
