Tijdelijke Werkorganisatie (TWO)di Hulanda a publica su relato anual di 2025. E tema: Mantene rumbo.
“Aña 2025 ta e aña den cual hopi reforma den e Pakete di Pais a cuminsa cana. Pero tur hende sa: na mitar di caminda di e biahe, riba lama ganchu, e reto hopi biaha ta mas grandi. Lama bruto, biento contrali y desafio inespera ta hasi un apelacion grandi riba e poder di persevera y capasidad di improvisa. Mantene rumbo, ahusta bela y trabou di team ta necesario pa drenta haf na un manera sigur”, asina manager di programa TWO, Judith Jeurissen ta bisa den e prologo.
Imagen: © Tijdelijke Werkorganisatie / Creativa Graphic Design
Prome pagina di e relato anual di TWO
Den 2025 e colaboracion entre TWO i partnernan di colaboracion for di Aruba, Corsou y Sint Maarten a sigui profundisa y bira mas fuerte. Esaki ta basa riba respet, complementaridad y confianza. Por lesa esaki den e diferente entrevistanan cu partnernan di colaboracion y lidernan di proyekto cu tur dia ta encarga cu ehecucion di e Pakete di Pais.
“Nan mester ankra e reformanan na un manera duradero y ta merese tur elogio pa nan trabou duru”, segun Jeurissen.
Tópiko cu ta toka
E relato anual ta duna un bista tras di cortina di topiconan manera seguridad social, enseñansa y economia. Topico y proyecto cu ta toka comunidat directamente. Pensa riba reforma riba hasi mercado laboral mas atractivo, modernisa enseñansa of fortalece conocemento di empresario local den sectornan cresiente manera orange-economy.
Enfatisa forsa di colaboracion
Tambe e entrevistanan ta enfatisa e forsa di colaboracion entre Aruba, Corsou y Sint Maarten cu Hulanda.
“Esei ta e cos bunita di e Pakete di Pais. E tim lokal y e tim na Hulanda a forma un vinculo door di e programa aki. E comunicacion cu TWO ta profecional y accesibel. Nos sa kon haya otro y tin comprencion pa e contexto di Sint Maarten. E colaboracion realmente ta esei: colaboracion!”, un di esnan entrevista ta bisa.
TWO den sifra
Na 2025 TWO a saca €21,2 miyon pa traha riba e paketenan di país. Na 2024 esaki tabata € 19,4 miyon y na 2023 € 19,7 miyon. Esaki ta trata tanto financiamento pa proyecto (programa), komo gasto di personal di TWO, otro ministerionan Hulandes i ekspertonan cu ta fia of contrata pa proyektonan specífico den e paisnan (aparato).
Na Aruba a hasi invercion grandi den e funcion financiero (€ 1,5 miyon) y drecha e mercado laboral (€ 0,6 miyon). Na Corsou den e sistema di financiamento y un sistema di registracion den enseñansa y desaroyo economico (€ 0,6 miyon). Y na Sint Maarten a pone hopi atencion na fortalese e funcion di HR y renoba IT (€ 2 miyon), e progama Future of Finance (€ 1,8 miyon) y diferente proyecto na e ofisina di impuesto y pa drecha e clima di invercion.