Preguntanan y contestanan

E paketenan di pais ta contene e palabracionnan entre e paisnan y Hulanda tocante e medidanan y reformanan structural cu mester tuma riba tereno financiero, economico y administrativo. Ta detaya e reformanan den medidanan concreto y ta implementa nan den proyecto- y programanan. E paisnan y Hulanda conhuntamente a palabra  cu esaki ta e miho manera pa traha hunto. TWO ta sostene e paisnan Caribense ora di implementa e reformanan den e paketenan di pais. TWO por haci esey por ehemplo suministrando experticio (conocemento) di e ministerionan Hulandes of brindando asistencia tecnico. Den e paketenan di implementacion y plannan di accion ta detaya e paketenan di pais. E paisnan y TWO ta haci esaki conhuntamente. E agendanan di implementacion y e resumennan di e plannan di accion ta publico y por haña nan via e website di TWO.

E reformanan structural cu kier logra incorpora den e pakete di pais y e medidanan concreto tin e siguiente metanan:

• Haci e economia resistente y flexibel;
• Haci finansa publico saludabel atrobe;
• Mehora siguridad social, cuido y enseñansa;
• Fortifica e estado di derecho.

Ounke e paketenan di pais di e diferente paisnan conoce e mes temanan y hopi biaha e mes medidanan tambe, nan no ta completamente mescos. Cada pais tin caracteristicanan unico cu tin biaha ta rekeri un acercamento na midi.

Hulanda a cumbini e Paketenan di pais ku e paisnan Aruba, Curaçao y Sint Maarten. Den nan a acorda ku lo traha riba reformanan economico, financiero, social, di estado di derecho i di institucion. Den e Paketenan di pais a formula 45 medida ku ta contribui na e reformanan ei. Den transcurso di 2022 e prome resultadonan concreto a bira visibel. Pensa na medidanan ku ta mehora e clima di negoshi of ku ta trata ku impuesto. E agendanan di ehecucion i resumennan di e plannan di accion ta publico i por haya nan via e website di TWO. Asina tur hende por sigui loke ta tuma luga, di ki forma ta trahando na e diferente medidanan i ki ora ta verwacht e resultadonan.

Ministerio di Asuntonan Interno y Relacion di Reino a lanta un Organisacion operacional temporal cu ta suministra expertisio relevante, pa ehecuta e trabounan aki hunto cu e paisnan Aruba, Curaçao i Sint Maarten y e ministerionan Hulandes.

E Organisashon operacional temporal ta zorg tambe hunto cu e paisnan pa formulacion di un agenda di ehecucion y e Reportahe di ehecucionpa duna contenido na e paketenan di pais. Periodicamente ta actualisa y stipula e agendanan di ehecucion. E organisacion operacional temporal ta e prome instancia di contacto pa e paisnan ora ta trata e medida-, proyecto y programanan. 
 

TWO tin tres team di programa: Aruba, Curaçao, Sint Maarten. E teamnan di programa tin como tarea pa sostene y monitor desaroyo y ehecucion di proyecto-, programa- y medidanan di organonan di gobernacion y companianan di gobierno relaciona cu e topiconan describi den e pakete di pais. E teamnan aki ta traha parcialmente na Hulanda (por ehemplo pa consulta cu e ministerionan Hulandes) y den e paisnan.

Regularmente ta habri diferente vacatura via www.werkenvoornederland.nl, www.rijksdienstcn.com i Facebook di TWO.