Aruba

Riba 13 di november 2020 Aruba y Hulanda a firma e areglo mutuo pa ehecucion di e Pakete di pais Aruba. Cu ratificacion di e areglo aki a habri caminda pa realisa un oferta amplio di reforma y inversion. Ta trata por ehempel di reformanan economico pa logra un economia resistente, dinamico y flexibel na Aruba. Den e Pakete di pais a inclui tambe mehoracionnan pa e sistema di cuido y enseñansa.

E palabracionnan di e Pakete di pais den e Agenda di ehecucion. Periodicamente ta actualisa esaki (riba e pagina di Agenda di ehecucion ta haya e ultimo vercion).

Pakete di pais

Hulanda a firma tanto hunto cu Aruba, Curaçao como Sint Maarten e areglo mutuo pa ehecucion di e pakete di pais. P’esey awor ta posibel pa realisa un variedad amplio na reforma- y inversionnan. Esaki mester contribui na resistencia y flexibilidad di economia y comunidad. Un economia y comunidad cu ta mas resistente tambe contra crisis cu oportunidadnan nobo pa ciudadano- y companianan. 

Den e Pakete di pais tin medidanan inclui riba e siguiente areanan:
 

  • Maneho financiero
  • Costo y efectividad di e sector publico
  • Belastingnan
  • Sector financiero
  • Economia
  • Cuido
  • Enseñansa
  • Fortificacion di e estado di derecho.

Gobierno di Aruba a firma un areglo mutuo cu Hulanda. E areglo aki ta mara gobierno di Aruba na implementacion di e medidanan stipula den e pakete di pais.

Agenda di ehecucion

Ta detaya e tema- y medidanan den e paketenan di pais periodicamente pa cada pais den e Agendanan di Ehecucion. Den e Agenda di Ehecucion ta stipula cua ta e stapnan cu ta bai tuma pa realisa e reformanan y inversionnan. Den e Agenda di ehecucion a pone prioridad- y a denominá e accionnan mas concreto posibel. Ta trata di accionnan cu ta cuadra ku e situacion local. Tin un acercamento gradual y den fase. E Agenda di ehecucion no ta sin compromiso. Aruba, Curaçao, Sint Maarten y Hulanda a compromete nan mes pa tuma e pasonan palabra. E minister di Asuntonan General hunto cu Secretario di Estado di Asuntonan Interno y Relacion den Reino ta determina e Agenda di Ehecucion conhuntamente.

E Agenda di ehecucion ta un documento bibo. Cada paso cu dal e temporada benidero, ta aporta na e siguiente pasonan. P’esey ta update e agenda regularmente y di e forma ey e ta bira cada bes mas concreto. (Wak riba e pagina di Agendanan di Ehecucion pa e delaster version).
 

Plan di Ehecucion

E paisnan ta bai mas den detaye di e agendanan di ehecucion den e plannan di ehecucion. Den un plan di ehecucion mester respeta e cuadro cu tin stipula den e pakete di pais y den e agenda di ehecucion. Akiden ta elabora mas riba e diferente proyectonan, programa- y medidanan den logronan, indicadornan critico di prestacion, presupuesto y un paragraf tocante riesgo. Tambe tin palabracionnan tocante con e cooperacion entre e paisnan lo ta den cuadro di e implementacion di medida y kico ta e sosten cu Hulanda ta suministra.

Lesa e resumen di e plannan di ehecucion di Aruba.

Reportahe di ehecucion

Aruba i Hulanda conhuntamente ta monitor e progreso di e ehecucion di e Agenda di ehecucion. E palabracionnan tocante e resultadonan den un Agenda di ehecucion ta forma e base riba cua ta husga e progreso. Si resulta cu no por logra alcansa e palabracionnan, por yega na un solucion pa esaki. Por ehempel cu extra refuerso for di Hulanda. E informacion cu ta monitor ta bin den e Reportahe di ehecucion. Lesa e ultimo version riba e pagina di Reportahenan di ehecucion.